ԵՄ արգելքի նախաշեմին՝ Հնդկաստանից դիզվառելիքի արտահանումները Եվրոպա կտրուկ աճել են
Եվրոպական միությունը պատրաստվում է 2026-ի հունվարի 21-ից արգելել ռուսական նավթից վերամշակված նավթամթերքի ներմուծումը, ինչի նախաշեմին Հնդկաստանի դիզվառելիքի արտահանումները Եվրոպա օգոստոսին հասել են վերջին 11 ամսվա առավելագույն ցուցանիշին՝ ըստ նավերի տեղաշարժի մոնիթորինգի տվյալների։ Ոլորտի ինսայդերները և փորձագետները վստահ են, որ Հնդկաստանի արտահանումները, հատկապես դիզվառելիքի, կմնան բարձր մակարդակի վրա, քանի որ Եվրոպան ձգտելու է պաշարներ կուտակել և մեղմել սպասվող պակասուրդը։
Եվրոպայի կողմից Հնդկաստանից դիզվառելիքի գնման ավելացումը համընկնում է այն ժամանակահատվածի հետ, երբ ԱՄՆ-ն ու նրա դաշնակիցները քննադատում են Հնդկաստանին ռուսական նավթի մեծածավալ գնումների համար՝ նրան մեղադրելով, թե շահույթ է ստանում զեղչված ռուսական նավթից արտադրված վառելիքը Եվրոպա արտահանելով։ Հնդկաստանը չի ընդունում այս մեղադրանքները՝ նշելով, որ ռուսական նավթ գնելն ու վերամշակված վառելիք արտահանելն անօրինական չէ, և եթե որևէ երկիր խնդիր ունի, կարող է պարզապես դադարեցնել Հնդկաստանից վառելիքի ներկրումը։
Նախնական տվյալներով՝ օգոստոսին Հնդկաստանից Եվրոպա դիզվառելիքի արտահանումները կազմել են օրական շուրջ 260,000 բարել, ինչը հուլիսից աճել է մոտ 63 տոկոսով, իսկ նախորդ տարվա օգոստոսից՝ 103 տոկոսով։ Բոլոր արտահանումներն իրականացրել է Reliance Industries (RIL) ընկերությունը։ Ընդհանուր առմամբ, օգոստոսին Հնդկաստանից Եվրոպա նավթամթերքի արտահանումները աճել են 41 տոկոսով՝ հասնելով օրական 399,000 բարելի։
Եվրոպա դիզվառելիքի արտահանման աճի հիմնական պատճառներից մեկը Նիդեռլանդներում Shell ընկերության Pernis նավթավերամշակման գործարանի սպասարկման դադարի ժամանակացույցի տեղափոխումն է 2026-ից ավելի վաղ ժամկետների։ Համարվում է, որ Եվրոպան այս քայլով փորձում է երաշխավորել, որ 2026-ի հունվարին նախատեսված արգելքից հետո իր սեփական նավթավերամշակման գործարանները չծանրաբեռնվեն միաժամանակյա տեխնիկական դադարներով։ Թեպետ դեռ պարզ չէ, թե ինչպես է իրականացվելու արգելքի վերահսկողությունը՝ հաշվի առնելով, որ տարբեր երկրների գործարաններ օգտագործում են ոչ միայն ռուսական, այլև տարբեր աղբյուրներից ստացված նավթ, իրական ռիսկ կա, որ եվրոպական երկրները կարող են զրկվել Հնդկաստանից, Չինաստանից և Թուրքիայից իրականացվող մատակարարումներից։
«Pernis գործարանի սպասարկման տեղափոխությունը անակնկալ էր շուկայի և մեզ համար։ Սա այն չէր, ինչ սպասում էինք։ Այս փոփոխությունը հավանաբար ռուսական նավթից արտադրված արտադրանքի վրա ԵՄ-ի 2026-ի հունվարի սահմանափակումների նախանշաններն են»,- ասել է Kpler ընկերության վերլուծաբան Սումիտ Ռիտոլիան։ Նրա խոսքով՝ Մերձավոր Արևելքում նավթավերամշակման գործարանները դեկտեմբերին ավարտվող եռամսյակում ունենալու են լայնածավալ սպասարկում, ինչը կնվազեցնի Եվրոպա մատակարարումները այդ տարածաշրջանից, իսկ Հնդկաստանի արտահանումները կմնան կայուն։
«Արտահանումները կմնան բարձր, և եվրոպական գնորդները կարող են արագացնել դիզվառելիքի ու ավիավառելիքի գնումները Հնդկաստանից՝ հաշվի առնելով, որ 2026-ի հունվարին ուժի մեջ են մտնելու սահմանափակումները, իսկ Մերձավոր Արևելքի գործարանները հոկտեմբեր-նոյեմբերին լինելու են սպասարկման փուլում։ Սա նման է պաշարների այն կուտակմանը, ինչը եղավ 2023-ի փետրվարի ԵՄ արգելքից առաջ։ Սա ընդգծում է Հնդկաստանի առանցքային դերը որպես Եվրոպայի վառելիքի (դիզվառելիք, ավիավառելիք, կերոսին) միջանկյալ ճկուն մատակարար», – ասել է Ռիտոլիան։
ԵՄ-ն դեռ 2023-ի փետրվարին արգելել էր ռուսական նավթամթերքի ներմուծումը՝ պատժամիջոցների շրջանակում։ Արգելքից առաջ եվրոպական երկրները մեծացրել էին ներկրումները՝ զգալի պաշարներ ձևավորելու համար։
2025-ի հուլիսին ԵՄ-ն ընդունեց նոր սահմանափակումներ՝ արգելելով ռուսական նավթից արտադրված վառելիքի ներմուծումը երրորդ երկրներից, բացառությամբ Կանադայի, Նորվեգիայի, Շվեյցարիայի, Մեծ Բրիտանիայի և ԱՄՆ-ի։ Արգելքը ուժի մեջ կմտնի 2026-ի հունվարի 21-ին և կարող է լուրջ հարված հասցնել Հնդկաստանի արտահանումներին՝ հաշվի առնելով, որ նրա ներմուծած նավթի զգալի մասը ռուսական է։
Ոլորտի մասնագետները նշում են, որ այս արգելքի ազդեցությունը դեռ հստակ չէ, քանի որ պարզ չէ՝ ինչպես են այն վերահսկելու և կիրառելու։ «Գրեթե անհնար է որոշել՝ արդյոք վառելիքը պատրաստված է միայն ռուսական նավթից, թե նաև այլ աղբյուրներից»,- ընդգծում են նրանք։
«Վերահսկողությունը մնում է անորոշ, քանի որ Հնդկաստանի գործարանների մեծ մասը 60–70 տոկոսով վերամշակում է ոչ ռուսական նավթ և լայնորեն արտահանում։ Քանի որ Reliance Industries-ը հիմնական արտահանողն է և ունի երկու առանձին վերամշակման համակարգ, հավանական է, որ հնդիկ վերամշակողները կկարողանան հարմարվել պահանջներին, բայց դեռ վաղ է վերջնական եզրակացություններ անել»,- նշել է Ռիտոլիան։
Հնդկաստանի նավթային արդյունաբերության պաշտոնյաներն ընդգծում են, որ նույնիսկ եթե Եվրոպան դադարեցնի Հնդկաստանից վառելիքի ներկրումը, ազդեցությունը ժամանակավոր կլինի, քանի որ գոյություն ունեն այլ շուկաներ։
«Եթե Եվրոպան դադարի Հնդկաստանից գնելը, այնուամենայնիվ ստիպված է լինելու գնել այլուր։ Համաշխարհային մատակարարումները սահմանափակ են, ուստի արգելքը պարզապես կփոխի վառելիքի հոսքերի աշխարհագրությունը՝ առաջացնելով որոշ կարճաժամկետ խափանումներ։ Օրինակ՝ եթե Եվրոպան սկսի ավելի շատ գնել Մերձավոր Արևելքից, ապա Հնդկաստանը կարող է արտահանումներն ուղղել այն շուկաներ, որոնք նախկինում հիմնականում սպասարկում էին Մերձավոր Արևելքի մատակարարները»,- նշել է ոլորտի ներկայացուցիչը։
Սուկալպ Շամա
Հոդվածը հրապարակվել է Indianexpress.com կայքում
The post ԵՄ արգելքի նախաշեմին՝ Հնդկաստանից դիզվառելիքի արտահանումները Եվրոպա կտրուկ աճել են appeared first on CIVILNET.
Թեմատիկ
«Զավիկի ղարս»-ի ևս մեկ օբյեկտի գործունեություն է դադարեցվել
Սննդամթերքի անվտանգության տեսչական մարմնի Երևանի կենտրոնի տեսուչները ստուգում են իրականացրել անհատ ձեռնարկատեր «Զավիկի ղարս» հանրային սննդի օբյեկտում (Երևան, փ․ Բագրատունյաց 15/5), որի ընթացքում կատարել են ապրանքնատեսակների նմուշառում և հանձնել լաբորատոր հետազոտության: Այս մասին հայտնում են ՍԱՏՄ-ից: Ըստ լաբորատոր փորձաքննության արդյունքների՝ «մայոնեզ» արտադրատեսակը ԱՑԽՄ (աղիքային ցուպիկի խմբի մանրէներ) և «ախտածին ա/թ սալմոնելաներ» ցուցանիշներով չի համապատասխանել Մաքսային Միության տեխնիկական կանոնակարգերով սահմանված պահանջներին։ ՍԱՏՄ ղեկավարի որոշմամբ՝ հանրային սննդի օբյեկտի առանձին արտադրատեսակի գործունեությունը դադարեցվել է, մինչև հայտնաբերված խախտումները վերացնելը։ Մինչ այս դադարեցվել էր նաև Սարյան փողոցում գործող «Զավիկի ղարս» հանրային սննդի օբյեկտի գործունեությունը։ The post «Զավիկի ղարս»-ի ևս մեկ օբյեկտի գործունեություն է դադարեցվել appeared first on CIVILNET.
Ջրային կոմիտեի նախագահը Շիրակի, Արմավիրի և Արագածոտնի մարզերում էր․ ուսումնասիրվել է ոռոգման համակարգերի և ջրամբարների վիճակը
Այցի հիմնական նպատակն էր տեղում ծանոթանալ Ախուրյան և Արաքս գետերի, ինչպես նաև մի շարք ներկա եւ ապագա ջրամբարների ու ջրանցքների տեխնիկական վիճակին, շահագործման գործընթացներին ու առկա խնդիրներին։
Հնդկաստանի տվյալների կենտրոնները պատրաստվում են ավելի քան $50 մլրդ ներգրավել հզորությունների զարգացման մեջ
Հնդկաստանի տվյալների կենտրոնների հզորությունը մինչև 2030-ը կարող է աճել իննապատիկ՝ հասնելով 9 գիգավատի (GW)՝ Google-ի, AWS-ի, Reliance-ի և այլ ընկերությունների ընդհանուր 50 մլրդ դոլարի ներդրումների շնորհիվ, ինչը պայմանավորված է արհեստական բանականության (AI) և տվյալների տեղայնացման բումով։ Ըստ The Economic Times-ի՝ համաշխարհային տեխնոլոգիական հսկաներն ու հնդկական խոշոր կոնգլոմերատները պատրաստվում են առաջիկա հինգից յոթ տարվա ընթացքում ավելի քան 50 մլրդ դոլարի ներդրումներ կատարել՝ զարգացնելու Հնդկաստանի տվյալների կենտրոնների արդյունաբերությունը։ Արդյունքում՝ երկրի ընդհանուր տվյալների մշակման հզորությունը կարող է աճել ներկայիս 1 գիգավատից մինչև մոտ 9 գիգավատ մինչև 2030-ը՝ դառնալով աշխարհում այս ոլորտի ամենաարագ աճողներից մեկը։ Ներդրումների ծավալը Անշարժ գույքի ներդրումային JLL ընկերության գնահատմամբ՝ առաջիկա […] The post Հնդկաստանի տվյալների կենտրոնները պատրաստվում են ավելի քան $50 մլրդ ներգրավել հզորությունների զարգացման մեջ appeared first on CIVILNET.
Սկանդալային գաղտնալսումների սկզբնաղբյուրները. ի՞նչ սխեմա է օգտագործվում
Շուշան Ստեփանյան, #CivilNetCheck Վերջին շրջանում համացանցում պարբերաբար հայտնվում են գաղտնալսված խոսակցություններ՝ հիմնականում եկեղեցականների և ընդդիմադիր գործիչների մասնակցությամբ, որոնց հիման վրա իրավապահները քրեական վարույթներ են հարուցում։ Սակայն հանրության շրջանում քննարկվող հարցերից մեկն այն է, թե ինչպես են այդ ձայնագրությունները հասնում համացանց, հատկապես՝ հաշվի առնելով այն փաստը, որ նման գաղտնալսումներ կարող են իրականացվել միայն հատուկ ծառայությունների կողմից։ Այդ ձայնագրություններից մեկը հոկտեմբերի 17-ին տարածված գաղտնալսումն էր, որը վերագրվում է Նաթան արքեպիսկոպոս Հովհաննիսյանին և կաթողիկոսի նախկին գավազանակիր Աղան աբեղա Երնջակյանին։ Այն ևս դարձավ քրեական վարույթի հիմք։ «Քաղաքացիական պայմանագիր» խմբակցության պատգամավոր Արթուր Հովհաննիսյանը նույն օրը՝ հոկտեմբերի 17-ին, Հանրային հեռուստաընկերության եթերում, արձագանքելով Պետրոս Ղազարյանի հարցին՝ արդյոք […] The post Սկանդալային գաղտնալսումների սկզբնաղբյուրները. ի՞նչ սխեմա է օգտագործվում appeared first on CIVILNET.
ԱՄՆ Հանրապետական կուսակցության նվիրատուն, որը բիզնես շահեր ունի Վրաստանում, MEGOBARI ACT-ի դեմ լոբբինգ է անում
Հոդվածը հրապարակվել է OC Media-ի հետ համագործակցության շրջանակում ԱՄՆ Հանրապետական կուսակցության նվիրատու, Վրաստանում բիզնես շահեր ունեցող Frontera Industries նավթային ընկերության գլխավոր գործադիր տնօրեն Սթիվ Նիկանդրոսը ԱՄՆ Կոնգրեսում լոբբինգ է արել MEGOBARI ACT օրենքի ընդունման դեմ, հաղորդում է Reuters-ը։ MEGOBARI ACT-ի հայտարարված նպատակներն են ամրապնդել ժողովրդավարական գործելակերպը, մարդու իրավունքները և օրենքի գերակայությունը Վրաստանում և հակազդել ավտորիտար ազդեցություններին, մասնավորապես՝ Ռուսաստանից, ինչպես նաև Չինաստանից և Իրանից։ Օրենքը ներառում է տարբեր միջոցառումներ, այդ թվում՝ պատժամիջոցներ վրացի այն պաշտոնյաների նկատմամբ, որոնք ենթադրաբար խոչընդոտում են Եվրամիությանը երկրի ինտեգրմանը։ Գործակալության տրամադրության տակ հայտնված մի նամակում Նիկանդրոսը զգուշացրել է, որ օրինագիծը կարող է Վրաստանին ավելի մոտեցնել Ռուսաստանին, այդպիսով […] The post ԱՄՆ Հանրապետական կուսակցության նվիրատուն, որը բիզնես շահեր ունի Վրաստանում, MEGOBARI ACT-ի դեմ լոբբինգ է անում appeared first on CIVILNET.
«Հայանտառ» ՊՈԱԿ-ում քննարկվել է անտառտնկման ու անտառվերականգնման աշխատանքների կազմակերպման արդյունավետությունը
Պետք է շարունակաբար կատարելագործել ոլորտային գործընթացները և ապահովել ծրագրերի արդյունավետ իրականացումը։